ہمارے آکے ترا جب کسو نے نام لیا
ہمارے آکے ترا جب کسو
نے نام لیا
دلِ ستم زدہ کو ہم نے تھام تھام لیا
قسم جو کھائیے تو
طالع زلیخا کی
عزیز مصر کا بھی صاحب اک غلام لیا
خراب رہتے تھے مسجد کے آکے میخانے
نگاہ مست نے ساقی کی انتقام لیا
وہ کج روش نہ ملا راستے میں مجھ سے کبھی
نہ سیدھی طرح سے ان نے مرا سلام لیا
مزا دکھا دیں گے بے رحمی کا ترے صیاد
گر اضطراب اسیری نے زیر دام لیا
مرے سلیقے سے نبھی میری محبت میں
تمام عمر میں نے ناکامیوں سے کام لیا
اگرچہ گوشہ گزیں ہوں میں شاعروں مین میرؔ
یہ میرے شور نے یہ روئےزمیں تمام لیا
کوئی تبصرے نہیں:
ایک تبصرہ شائع کریں